RAIS DKT. SAMIA: BARABARA MPYA YA TANGA, PANGANI, SAADANI NA BAGAMOYO KUIFUNGUA TANGA KIUTALII


Na Philipo Hassan - Tanga

Rais wa Jamhuri ya Muungano wa Tanzania, Dkt. Samia Suluhu Hassan, alisema kuwa kukamilika kwa barabara ya lami inayounganisha Tanga, Pangani, Saadani na Bagamoyo pamoja na Daraja la Mto Pangani lenye urefu wa mita 525 zitasaidia kuifungua Tanga Kiutalii na kiuchumi.

Rais Samia ameyasema hayo leo, Februari 26, 2025 wakati wa uwekaji wa jiwe la msingi katika ujenzi wa  barabara na Daraja la Mto Pangani ikiwa ni sehemu ya muendelezo wa ziara yake mkoani Tanga. Vilevile, alisisitiza kuwa miundombinu hiyo mipya itarahisisha maeneo mengi ya utalii kufikika kiurahisi.

Rais Samia alieleza “Barabara hii tunayoiunganisha inaenda kuifungua Tanga kiutalii na kibiashara. Maeneo mbalimbali ya kiutalii ambayo hayafikiki, itakuwa ni rahisi kumtoa mtalii Hifadhi ya Taifa Saadani na kwenda kutalii maeneo mengine ndani ya Mkoa wa Tanga” 


Naye, Mbunge wa jimbo la Pangani Mhe. Jumaa Aweso alimshukuru Rais Samia kwa kutekeleza mradi mkubwa wa barabara na Daraja ambayo yatachochea maendeleo ya kiuchumi ndani ya Wilaya ya Pangani.

“Barabara hii ya Tanga, Pangani, Saadani na Bagamoyo itachochea uwekezaji ukizingatia 
Pangani tuna Hifadhi ya Taifa Saadani, Hifadhi pekee inayopakana na Bahari ya Hindi. Tukipata “Fast Boat” shida ya usafirishaji itaisha na watalii watapita kutoka Zanzibar kuja kutembelea Saadani” alisema Mhe. Awesu.


Hifadhi ya Taifa Saadani ni moja kati ya Hifadhi za Taifa 21 Tanzania yenye upekee wake wa mandhari ya nyika kukutana na  bahari katika eneo moja ambapo ni kivutio kikubwa cha utalii kwa ukanda wa pwani.

Ziara hiyo ilihudhuriwa na viongozi mbalimbali wa Chama na Serikali akiwemo Waziri wa Maliasili na Utalii, Mhe. Balozi Dkt. Pindi Chana (Mb) pamoja na wakuu wa taasisi zilizopo chini ya Wizara ya Maliasili na Utalii akiwemo Juma Nassoro Kuji, Kamishna wa Uhifadhi TANAPA.







Comments

Post a Comment

Popular posts from this blog

Image
 ”THE PRESIDENTIAL TOUR” YA RAIS SAMIA YAVUTIA WANAWAKE ZAIDI YA 400 HIFADHI YA TAIFA ARUSHA"     Na. Edmund Salaho/ Arusha Zaidi ya wanawake 400 washerehekea siku ya wanawake duniani katika Hifadhi ya Taifa Arusha. Leo tarehe 09, Machi Jeshi hilo la wanawake limetua katika Hifadhi ya Taifa Arusha kumuunga mkono Rais wa Jamhuri ya Muungano wa Tanzania Mhe.Samia Suluhu Hassan kwa juhudi zake za kuitangaza nchi yetu. Mhe.Rais, Dkt. Samia Suluhu Hassan, na Mhe. Dkt. Hussein Mwinyi, Rais wa Zanzibar, wameshiriki kuitangaza Tanzania mahsusi kwa soko la China walipomkaribisha nchini staa wa filamu za Kichina, Bw. Jin Dong na kurekodi filamu hiyo ambayo itatoka mapema mwaka huu  Akizungumza wakati wa kuwakaribisha wanawake hao katika Hifadhi ya Taifa Arusha, Mkuu wa Hifadhi ya Arusha, Kamishna Msaidizi wa Uhifadhi, Yustina Kiwango aliwapongeza wanawake kwa moyo na jitihada za kumuunga mkono Rais wa Jamhuri ya Muungano wa Tanzania Mhe. Dkt. Samia Suluhu Hassan. Napenda kuwak...
Read more

KUNDI LINGINE LA WANANCHI 541 LAHAMA NGORONGORO

Image
KUNDI LINGINE LA WANANCHI 541 LAHAMA NGORONGORO Na Mwandishi wetu, NCAA. Hamasa ya  wananchi wanaojiandikisha kuhama kwa hiyari kutoka eneo la hifadhi ya Ngorongoro  imeongezeka ambapo leo tarehe 19 February , 2024 jumla ya kaya 82 zenye wananchi 541 na mifugo 3,379 zimehama kutoka Ngorongoro kweda Kijiji cha Msomera Handeni Tanga. Akizungumza wakati wa kuaga kundi hilo Kamishna wa Uhifadhi wa NCAA Richard Kiiza amesema kuwa baada ya kuhama kwa kundi hilo leo inafanya idadi ya wananchi waliokwishahama ndani ya hifadhi tangu zoezi lilipoanza hadi leo kufikia kaya 1,032 zenye watu 6,395 na mifugo 28,982. Kamishna Kiiza amebainisha kuwa kadri siku zinavyoenda wananchi wengi wanahamasika na kujiandikisha kuhama kwa hiari yao wenyewe hasa baada ya ushuhuda wa maisha mazuri kwa wananchi wenzao waliokwishatangulia ambao Maisha yao yamebadilika kwa kiasi kikubwa. “Wananchi waliotangulia mwaka jana wengi wao wamejenga nyumba za kisasa, wamelima mazao ya kutosha kwa ajili ya chakula na ...
Read more

𝐔𝐉𝐄𝐍𝐙𝐈 𝐖𝐀 “𝐒𝐄𝐑𝐄𝐍𝐆𝐄𝐓𝐈 𝐍𝐀𝐓𝐈𝐎𝐍𝐀𝐋 𝐏𝐀𝐑𝐊 𝐆𝐎𝐋𝐅 𝐂𝐎𝐔𝐑𝐒𝐄” 𝐖𝐀𝐅𝐈𝐊𝐈𝐀 𝐀𝐒𝐈𝐋𝐈𝐌𝐈𝐀 𝟒𝟐

Image
* 𝒢𝑒𝓃𝑒𝓇𝒶𝓁’𝓈 𝒯𝑒𝒶𝓂 𝓎𝒶 𝐿𝓊𝑔𝒶𝓁𝑜 𝓎𝒶𝓀𝒾𝓅𝒾𝑔𝒶 𝓀𝓌𝒶 𝓂𝒶𝓇𝒶 𝓎𝒶 𝓀𝓌𝒶𝓃𝓏𝒶 𝒮𝑒𝓇𝑒𝓃𝑔𝑒𝓉𝒾. Na. Catherine Mbena, SERENGETI. Ujenzi wa mradi wa kimkakati wa uwanja wa gofu Hifadhi ya Taifa Serengeti “Serengeti National Park Golf Course” uliobuniwa na Bodi ya Wadhamini ya Shirika la Hifadhi za Taifa Tanzania chini ya Mwenyekiti wake Jenerali (Mstaafu) George Waitara unaojengwa katika eneo la Fort Ikoma, nje kidogo ya Hifadhi ya Taifa Serengeti umefikia asilimia 42. Utekelezaji huo unajumuisha ujenzi wa “Tee and Green” kwa mashimo kumi na nane; mashimo tisa ya kwanza (front- nine/inbound holes),  mashimo tisa ya nyuma (back - nine/outbound holes), uchimbaji wa visima virefu viwili vyenye uwezo wa kutoa maji kiasi cha lita elfu kumi kwa saa kwa kila moja, uchimbaji na ujenzi wa mabwawa ya maji mawili yenye ujazo wa takribani lita millioni 22 kila moja, ujenzi wa barabara yenye urefu wa kilomita 5.2 kuzunguka uwanja mzima, ujenzi wa “power house” na ufungaji wa...
Read more

UTALII WA MALIKALE WASHIKA KASI NCHINI, WAFARANSA WAFURIKA KILWA KISIWANI

Image
UTALII WA MALIKALE WASHIKA KASI NCHINI,  WAFARANSA WAFURIKA KILWA KISIWANI   Na Beatus Maganja Kwa miongo kadhaa kumekuwa na dhana ya kwamba wageni wengi wa nje hupendelea zaidi utalii wa kuona wanyamapori, lakini hivi karibuni dhana hiyo imeanza kubadilika kwa kasi ambapo Tanzania imeanza kupokea wageni makundi kwa makundi wakitembelea katika maeneo yetu ya Malikale hususan Hifadhi ya Urithi wa Dunia ya Magofu ya Kilwa kisiwani na Songo Mnara. Ni takrikani siku 9 sasa katika kipindi cha Mwezi Februari kuanzia tarehe 03 - 11, 2024, Tanzania kupitia Mamlaka ya Usimamizi wa Wanyamapori Tanzania - TAWA imeweza kushuhudia   Meli zilizosheheni makundi ya Watalii kutoka Mataifa mbalimbali zikipishana kutia nanga katika Hifadhi ya Urithi wa Dunia ya Magofu ya Kilwa kisiwani na Songo Mnara na kufikisha idadi ya watalii wapatao 445 kwa safari nne (4) za kitalii zilizofanyika. Kwa mara nyingine Februari 11, 2024 TAWA ilipokea kundi la nne (4) la watalii wapatao 114  kutoka Ufa...
Read more